ਸਤੰਬਰ 'ਚ ਜਿਵੇਂ-ਜਿਵੇਂ ਮੌਸਮ ਠੰਢਾ ਹੁੰਦਾ ਜਾ ਰਿਹਾ ਹੈ, ਉਸੇ ਤਰ੍ਹਾਂ ਸਿਆਸੀ ਪਾਰਾ ਨਿਸ਼ਚਿਤ ਰੂਪ ਨਾਲ ਉੱਪਰ ਨੂੰ ਚੜ੍ਹਦਾ ਜਾ ਰਿਹਾ ਹੈ। ਗੋਬਿੰਦਪੁਰਾ ਵਿਖੇ ਮਾਨਸਾ ਪਾਵਰ ਪ੍ਰੋਜੈਕਟ ਦੇ ਖਿਲਾਫ ਕਿਸਾਨਾਂ ਦਾ ਵਿਰੋਧ 2 ਸਤੰਬਰ ਨੂੰ ਵੱਡੇ ਪੱਧਰ 'ਤੇ ਕਾਂਗਰਸ ਦੀ ਰੈਲੀ ਨਾਲ ਸਮਾਪਤ ਹੋ ਗਿਆ। ਮੈਂ ਸਵੇਰੇ 8.30 ਵਜੇ ਲਤਾਲਾ ਤੋਂ ਆਪਣੇ ਸਮਰਥਕਾਂ ਦੇ ਨਾਲ ਨਿਕਲ ਗਿਆ, ਮਗਰ ਜਲਦੀ ਹੀ ਅਸੀਂ ਵੱਡੇ ਟਰੈਫਿਕ ਜਾਮ੍ਹ 'ਚ ਫਸ ਗਏ। ਸਾਨੂੰ ਗੋਬਿੰਦਪੁਰਾ ਪਹੁੰਚਣ 'ਚ 3 ਘੰਟੇ ਲੱਗ ਗਏ। ਇੱਥੇ ਆਯੋਜਿਤ ਰੈਲੀ ਇੱਕ ਵੱਡੇ ਸਮਾਰੋਹ ਦਾ ਰੂਪ ਧਾਰਨ ਗਈ। ਇਸਨੇ ਜਿੱਥੇ ਅਸਲ 'ਚ ਕਾਂਗਰਸੀ ਵਰਕਰਾਂ ਨੂੰ ਉਤਸਾਹਿਤ ਕੀਤਾ, ਉੱਥੇ ਹੀ ਸੱਤਾਧਾਰੀ ਗਠਜੋੜ ਸਰਕਾਰ ਨੂੰ ਪਿੱਛੇ ਨੂੰ ਧਕੇਲਣ 'ਚ ਅਹਿਮ ਭੂਮਿਕਾ ਨਿਭਾਈ। ਸਾਰਿਆਂ ਦੀ ਅਗਵਾਈ ਕਰਦੇ ਹੋਏ ਕੈਪਟਨ ਸਾਹਿਬ ਸਮੇਤ ਹੋਰ ਸੀਨੀਅਰ ਆਗੂਆਂ ਨੇ ਪਿੰਡ 'ਚ ਕਿਸਾਨਾਂ ਨਾਲ ਮਿਲਣ ਲਈ ਅਸਲ ਵਿੱਚ ਵੱਡੇ ਪੈਮਾਨੇ 'ਤੇ ਪੁਲਿਸ ਨਾਕਾਬੰਦੀ ਨੂੰ ਤੋੜ ਦਿੱਤਾ।
ਸਤੰਬਰ ਦਾ ਮਹੀਨਾ ਲੁਧਿਆਣਾ ਵਿੱਚ ਮੈਟਰੋ ਕੈਸ਼ ਐਂਡ ਕੈਰੀ ਦੇ ਖੁੱਲ੍ਹਣ ਦਾ ਗਵਾਹ ਵੀ ਬਣਿਆ। ਹਾਲਾਂਕਿ ਮੈਂ ਇੱਥੇ ਨਹੀਂ ਰਹਿ ਸਕਦਾ ਸੀ, ਮਗਰ ਮੇਰੇ ਡੇਅਰੀ ਯੂਨਿਟ ਟੀਮ ਇੱਥੇ ਸਪਲਾਇਰਜ਼ ਵਜੋਂ ਜਰੂਰ ਮੌਜੂਦ ਸੀ। ਮੈਨੂੰ ਮਹਿਸੂਸ ਹੋ ਰਿਹਾ ਹੈ ਕਿ ਅਸੀਂ ਫੁਟਕਲ ਕ੍ਰਾਂਤੀ ਦੇ ਸਿਰੇ 'ਤੇ ਹਾਂ, ਜੋ ਕਈ ਚੀਜਾਂ ਦੇ ਨਾਲ-ਨਾਲ ਹੋਰ ਫਾਰਮ ਉਤਪਾਦਾਂ ਨੂੰ ਮਾਰਕੀਟ 'ਚ, ਜ਼ਲਦੀ ਅਤੇ ਹੋਰ ਲਾਭਕਾਰੀ ਮੁੱਲਾਂ 'ਚ ਲਿਆਉਣ ਦੀ ਅਗਵਾਈ ਕਰੇਗੀ। ਇਹ ਦੋਵਾਂ ਖਪਤਕਾਰਾਂ ਅਤੇ ਕਿਸਾਨਾਂ ਲਈ ਵਧੀਆ ਹੈ।
ਵਾਤਾਵਰਨ 'ਚ ਸੁਧਾਰ ਲਈ ਮੈਂ ਆਪਣੇ ਪਿੰਡ ਲਤਾਲਾ ਵਿੱਚ ਰੁੱਖ ਲਗਾਉਣ ਦੀ ਸ਼ੁਰੂਆਤ ਕੀਤੀ ਅਤੇ ਪਿੰਡ ਦੇ ਹੋਰਨਾਂ ਲੋਕਾਂ ਨੂੰ ਵੀ ਅਜਿਹਾ ਕਰਨ ਲਈ ਉਤਸਾਹਿਤ ਕੀਤਾ। ਜੇਕਰ ਅਸੀਂ ਧੂੜ-ਮਿੱਟੀ ਨੂੰ ਘਟਾਉਣਾ ਚਾਹੁੰਦੇ ਹਾਂ, ਜਿਹੜੀ ਆਸੇ ਪਾਸੇ ਫੈਲਦੀ ਹੈ, ਤਾਂ ਸਾਨੂੰ ਕਦੇ ਵੀ ਹਰਿਆਲੀ ਦੇ ਮਹੱਤਵ ਨੂੰ ਘੱਟ ਨਹੀਂ ਸਮਝਣਾ ਚਾਹੀਦਾ ਹੈ।
ਰਕਬਾ ਪਿੰਡ ਵਿੱਚ ਗਊਸ਼ਾਲਾ ਦੀ ਸਥਾਪਨਾ ਦੇ ਐਲਾਨ ਕਰਨ ਵਾਸਤੇ ਸ਼੍ਰੀ ਕੇ.ਕੇ. ਬਾਵਾ ਦੀ ਬਾਬਾ ਬੰਦਾ ਸਿੰਘ ਫਾਊੁਂਡੇਸ਼ਨ ਵੱਲੋਂ ਨੀਂਹ ਪੱਥਰ ਰੱਖਿਆ ਗਿਆ। ਖੇਤਰਾਂ 'ਚ ਇਸਦੀ ਬਹੁਤ ਜ਼ਰੂਰਤ ਹੈ, ਜਿੱਥੇ ਅਵਾਰਾ ਪਸ਼ੂ ਕਿਸਾਨਾਂ ਲਈ ਅਨਗਣਿਤ ਸਮੱਸਿਆਵਾਂ ਖੜ੍ਹੀ ਕਰਦੇ ਹਨ। ਇਸ ਮੌਕੇ ਕਈ ਐੱਨ.ਆਰ.ਆਈਜ਼ ਅਤੇ ਬਿਜਨੇਸਮੈਨ ਮੌਜ਼ੂਦ ਸਨ ਅਤੇ ਦਾਨ ਦੇਣ ਸਬੰਧੀ ਕਈ ਐਲਾਨ ਕੀਤੇ ਗਏ, ਜਿਸ 'ਚ ਮੈਂ ਵੀ ਹਿੱਸਾ ਪਾਇਆ।
ਜਾਹਿਰ ਹੈ ਮੇਰੇ ਵਿਧਾਨ ਸਭਾ ਹਲਕੇ 'ਚ ਪ੍ਰਮੁੱਖ ਸਮਾਰੋਹ 12 ਸਤੰਬਰ ਦਾ ਛਪਾਰ ਮੇਲਾ ਸੀ। ਇਸ ਸਾਲ ਅਸੀਂ ਵੱਡੀ ਮੌਜ਼ੂਦਗੀ ਸੁਨਿਸ਼ਚਿਤ ਕਰ ਰਹੇ ਸਾਂ, ਜਿਸਨੂੰ ਛਪਾਰ ਮੇਲੇ 'ਤੇ ਵੱਡੇ ਟੈਂਟ ਅਤੇ ਆਮਦ ਰਾਹੀਂ ਵਧੀਆ ਢੰਗ ਨਾਲ ਨੇਪਰੇ ਚਾੜ੍ਹਿਆ। ਕਿਉਂਕਿ ਅਸੀਂ ਸ਼ਾਮਿਲ ਹੋਣ ਵਾਲਿਆਂ ਨੂੰ ਲੱਡੂ ਵੰਡੇ, ਅਜਿਹੇ 'ਚ ਕਈ ਆਗੂਆਂ ਨੇ ਕਾਂਗਰਸੀ ਟੈਂਟ 'ਚ ਮਠਿਆਈਆਂ ਅਤੇ ਅਕਾਲੀ ਟੈਂਟ 'ਚ ਲਾਠੀਚਾਰਜ 'ਤੇ ਟਿੱਪਣੀਆਂ ਕੀਤੀਆਂ। ਹਰ ਕੋਈ ਗਵਾਹ ਹੈ ਕਿ ਕਾਂਗਰਸ ਦੀ ਆਮਦ ਨੇ ਕੋਈ ਸ਼ੱਕ ਨਹੀਂ ਰਹਿਣ ਦਿੱਤਾ ਕਿ ਜ਼ਲਦੀ ਹੀ ਪੰਜਾਬ ਦੀ ਸੱਤਾ 'ਚ ਬਦਲਾਅ ਹੋਵੇਗਾ ਅਤੇ ਹਲਕਾ ਦਾਖਾ 'ਚ ਕਾਂਗਰਸ ਦੀ ਸਫਲਤਾ ਇੱਕ ਵਾਰ ਫਿਰ ਗੂੰਜ਼ੇਗੀ।
ਕੋਰਟ ਦੀਆਂ ਤਰੀਕਾਂ ਦੌਰਾਨ ਆਪਣੇ ਰੈਗੂਲਰ ਦੌਰਿਆਂ 'ਚੋਂ ਇੱਕ ਬਾਰ ਜਦੋਂ ਕੈਪਟਨ ਸਾਹਿਬ ਲੁਧਿਆਣਾ ਆਏ, ਮੈਂ ਉਨ੍ਹਾਂ ਨੂੰ ਅਗਾਂਹਵਧੂ ਡੇਅਰੀ ਪ੍ਰਜਨਨ ਮਾਹਿਰਾਂ ਵੱਲੋਂ ਮੇਰੇ ਫਾਰਮ ਦਾ ਦੌਰਾ ਕਰਨ ਬਾਰੇ ਦੱਸਿਆ। ਕੈਪਟਨ ਸਾਹਿਬ ਨੇ ਤੁਰੰਤ ਮਿਲਣ ਦਾ ਸਵਾਗਤ ਕੀਤਾ, ਜਿਸ ਦੌਰਾਨ ਉਨ੍ਹਾਂ ਦੇ ਆਪਣੇ ਵਿਗਿਆਨਿਕ ਗਿਆਨ ਨੇ ਕਈਆਂ ਨੂੰ ਪ੍ਰਭਾਵਿਤ ਕੀਤਾ। ਅਜਿਹੀ ਰੁਚੀ ਅਤੇ ਜਾਣਕਾਰੀ ਭਵਿੱਖ ਪੰਜਾਬ ਦੀ ਡੇਅਰੀ ਇੰਡਸਟਰੀ ਵਾਸਤੇ ਬਹੁਤ ਵਧੀਆ ਸਿੱਧ ਹੋ ਸਕਦੀ ਹੈ।
ਇਸ ਮਹੀਨੇ ਮੈਂ ਆਪਣੀ ਨਵੀਂ ਵੈਬਸਾਈਟ 'ਚ ਇੱਕ ਸੁਵਿਧਾ ਨਾਲ ਅਪਡੇਟ ਕੀਤਾ, ਜਿਹੜੀ ਐੱਨ.ਆਰ.ਆਈਜ਼ ਨੂੰ ਕਈ ਸਰਕਾਰੀ ਕਰਮਚਾਰੀਆਂ ਨੂੰ ਸੰਪਰਕ ਕਰਨ ਦੇ ਕਾਬਿਲ ਬਣਾਉਂਦੀ ਹੈ। ਕਿਉਂਕਿ ਕਈ ਐੱਨ.ਆਰ.ਆਈਜ਼ ਦੇ ਪੰਜਾਬ ਸਰਕਾਰ ਨਾਲ ਮਾਮਲੇ ਚੱਲ ਰਹੇ ਹਨ, ਅਜਿਹੇ 'ਚ ਮੈਂ ਆਸ ਕਰਦਾ ਹਾਂ ਕਿ ਕਈ ਜਾਣਕਾਰੀ ਲੈਂਦੇ ਹੋਏ ਆਪਣੀ ਸਮੱਸਿਆ ਦਾ ਹੱਲ ਕਰਨ ਲਈ ਇਸ ਰਾਹ ਦਾ ਇਸਤੇਮਲ ਕਰਨਗੇ। ਮੈਂ ਇਸ ਸੈਕਸ਼ਨ ਨੂੰ ਲੋਕਾਂ ਦੀ ਪ੍ਰਤੀਕ੍ਰਿਆ ਦੇ ਅਧਾਰ 'ਤੇ ਬਣਾਇਆ ਹੈ, ਜਿਹੜੇ ਮੇਰੇ ਤੋਂ ਪੁੱਛਦੇ ਹਨ ਕਿ ਕਿਵੇਂ ਵੱਖ ਵੱਖ ਵਿਭਾਗਾਂ ਨੂੰ ਸੰਪਰਕ ਕਰੀਏ ਅਤੇ ਮੈਨੂੰ ਵਿਸ਼ਵਾਸ ਹੈ ਕਿ ਇਹ ਯੂਜਰ ਫਰੈਂਡਲੀ ਅਤੇ ਵਿਹਾਰਿਕ ਸਿੱਧ ਹੋਵੇਗੀ। ਹਮੇਸ਼ਾ ਦੀ ਤਰ੍ਹਾਂ, ਮੈਂ ਤੁਹਾਡੀ ਪ੍ਰਤੀਕ੍ਰਿਆ ਦਾ ਸਵਾਗਤ ਕਰਦਾ ਹਾਂ!
ਸਤੰਬਰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਦਾ ਗਵਾਹ ਵੀ ਬਣਾਇਆ। ਜਿਹੜੀਆਂ ਵੋਟਰ ਸੂਚੀਆਂ 'ਚ ਗੜਬੜੀ ਅਤੇ ਨਜ਼ਾਇਜ ਵੋਟਿੰਗ ਦੇ ਕਈ ਦੋਸ਼ਾਂ ਦੇ ਸਵਾਂਗ ਨਾਲ ਖਤਮ ਹੋਈਆਂ। ਇੱਕ ਸਿੱਖ ਹੋਣ ਵਜੋਂ ਮੈਂ ਗੈਰ ਸਿੱਖਾਂ ਅਤੇ ਕੇਸ ਕਤਲ ਕੀਤੇ ਵੋਟਰਾਂ ਨੂੰ ਖੁੱਲ੍ਹੇਆਮ ਵੋਟ ਪਾਉਂਦੇ ਦੇਖ ਕੇ ਬਹੁਤ ਹੀ ਸ਼ਰਮ ਮਹਿਸੂਸ ਕਰਦਾ ਹਾਂ। ਅੰਤ ਨਤੀਜ਼ਾ ਕੁਝ ਹੈਰਾਨੀਜਨਕ ਹੈ, ਕਿਉਂਕਿ ਸ਼ੁਰੂਆਤ ਤੋਂ ਹੀ ਇਹ ਜਾਹਰ ਸੀ ਕਿ ਬਾਦਲ ਧੋਖੇ ਨਾਲ ਸੰਸਥਾ 'ਤੇ ਆਪਣੇ ਉਮੀਦਵਾਰ ਥੋਪਣਾ ਚਾਹੁੰਦੇ ਹਨ, ਜੋ ਬੇਹਤਰ ਦੀ ਹੱਕਦਾਰ ਹੈ। ਮੈਂ ਹਮੇਸ਼ਾ ਜੋਰ ਦਿੱਤਾ ਹੈ ਕਿ ਸਾਨੂੰ ਐੱਸ.ਜੀ.ਪੀ.ਸੀ. ਨੂੰ ਸਾਰਿਆਂ ਸਿਆਸਤਦਾਨਾਂ ਤੋਂ ਮੁਕਤ ਕਰਵਾਉਂਦੇ ਹੋਏ, ਇਸ ਦੀਆਂ ਚੋਣਾਂ ਨੂੰ ਉਨ੍ਹਾਂ ਲੋਕਾਂ ਵਾਸਤੇ ਛੱਡਣ ਦੀ ਲੋੜ ਹੈ, ਜਿਹੜੇ ਧਰਮ ਦੀ ਸੇਵਾ ਕਰਦੇ ਹਨ: ਜਿਵੇਂ ਪੰਥੀ, ਗ੍ਰੰਥੀ, ਸੇਵਾਦਾਰ, ਸਿੱਖ ਧਰਮ ਦੇ ਲੇਖਕ ਅਤੇ ਫਿਲਾਸਫਰ, ਉਹ ਆਰਕੀਟੈਕਟ ਜਿਹੜੇ ਸਿੱਖੀ ਦੀ ਪਛਾਣ ਨੂੰ ਵਧਾਉਣ...
ਮੈਂ ਆਪਣੀ ਬੇਟੀ ਸਬੀਨਾ ਨੂੰ ਦੇਖਣ ਖਾਤਿਰ ਦੋ ਰਾਤਾਂ ਲਈ ਲੰਡਨ ਦੀ ਯਾਤਰਾ ਵੀ ਕੀਤੀ, ਜੋ ਆਪਣੇ 4 ਸਾਲਾਂ ਦੇ ਯੂਰੋਪੀਅਨ ਸਟੱਡੀ ਕੋਰਸ ਹੇਠ ਤੀਜ਼ਾ ਸਾਲ ਵਾਸਤੇ ਸਪੇਨ ਰਵਾਨਾ ਹੋ ਗਈ। ਸਬੀਨਾ ਪਹਿਲਾਂ ਹੀ ਬਹੁਤ ਵਧੀਆ ਬਹੁਭਾਸ਼ੀ ਹੈ ਅਤੇ ਜਦੋਂ ਉਹ ਸਪੇਨ ਤੋਂ ਵਾਪਿਸ ਪਰਤੇਗੀ ਤਾਂ ਉਸ ਕੋਲ ਹੋਰ ਜ਼ਿਆਦਾ ਨਿਪੁੰਨਤਾ ਹੋਵੇਗੀ ਕਿ ਇਕ ਦਿਨ ਉਹ ਇਸਨੂੰ ਵਿਕਾਸ ਦੇ ਖੇਤਰ 'ਚ ਇਸਤੇਮਾਲ ਕਰੇਗੀ। ਮੇਰਾ ਦੌਰਾ ਕਾਂਗਰਸ ਪਾਰਟੀ ਦੇ ਪੰਜਾਬ ਇੰਚਾਰਜ਼ ਸ੍ਰੀ ਗੁਲਚੈਨ ਸਿੰਘ ਚੜਕ ਦੇ ਨਾਲ ਰਿਹਾ, ਜਿਨ੍ਹਾਂ ਨੂੰ ਮੈਂ ਚਾਹ 'ਤੇ ਮਿਲਿਆ। ਜਿਵੇਂ ਮੈਂ ਲੰਡਨ ਛੱਡਿਆ, ਤਾਂ ਉਥੇ ਦੇਰ ਤੱਕ ਗਰਮੀ ਦੇ ਲਹਿਰ ਚੱਲ ਰਹੀ ਸੀ, ਜਿਹੜੀ ਆ ਗਈ, ਜੋ ਇਹ ਦਰਸਾ ਰਹੀ ਸੀ ਕਿ ਮੌਸਮ ਹਰ ਪਾਸੇ ਹੋਰ ਗੈਰ ਅਨੁਮਾਨਜਨਕ ਬਣ ਰਿਹਾ ਹੈ ਅਤੇ ਸਾਨੂੰ ਇਨ੍ਹਾਂ ਬਦਲਾਆਂ 'ਤੇ ਵਿਚਾਰ ਅਤੇ ਪਲਾਨ ਕਰਨ ਦੀ ਲੋੜ ਹੈ।
ਚੋਣਾਂ ਨਜਦੀਕ ਆਉਣ ਦੇ ਨਾਲ-ਨਾਲ ਅਕਤਬੂਰ ਹੋਰ ਸਰਗਰਮ ਹੋਣ ਦਾ ਵਾਅਦਾ ਕਰ ਰਿਹਾ ਹੈ। ਨਿਸ਼ਚਿਤ ਤੌਰ 'ਤੇ ਮੇਰੀ ਟੀਮ ਸਾਡੀਆਂ ਤਿਆਰੀਆਂ ਨੂੰ ਅੰਜਾਮ ਦੇ ਰਹੀ ਹੈ: ਸਾਰੀਆਂ ਬੂਥ ਪੱਧਰੀ ਕਮੇਟੀਆਂ ਬਣਾ ਦਿੱਤੀਆਂ ਗਈਆਂ ਹਨ ਅਤੇ ਅਸੀਂ ਹੁਣ ਵੋਟਰ ਲਿਸਟਾਂ 'ਤੇ ਧਿਆਨ ਦੇ ਰਹੇ ਹਾਂ ਤੇ ਜੋਨ ਕੋ-ਆਰਡੀਨੇਟਰਾਂ ਨਿਯੁਕਤ ਕਰ ਦਿੱਤੇ ਗਏ ਹਨ। ਕਿਲਾ ਰਾਏਪੁਰ 'ਚ ਮੇਰਾ ਆਖਿਰੀ ਪ੍ਰਚਾਰ ਇਸਦੀ ਗਰਮਜੋਸ਼ੀ ਅਤੇ ਵਿਲੱਖਣਤਾ ਦੇ ਚਲਦੇ ਨੋਟ ਕੀਤਾ ਗਿਆ। ਹੁਣ ਨਵੇਂ ਵਿਧਾਨ ਸਭਾ ਹਲਕੇ 'ਚ ਅਗਲਾ ਪ੍ਰਚਾਰ ਵੀ ਘੱਟ ਪ੍ਰਗਤੀਸ਼ੀਲ ਨਹੀਂ ਹੋਵੇਗਾ।
ਕਈ ਐੱਨ.ਆਰ.ਆਈਜ਼ ਨੇ ਸੰਭਾਵਿਤ ਪੋਲਿੰਗ ਤਰੀਕ ਨੂੰ ਲੈ ਕੇ ਮੇਰੇ ਕੋਲੋਂ ਜਾਣਕਾਰੀ ਮੰਗੀ ਹੈ। ਮੇਰਾ ਜਵਾਬ ਇਹੋ ਰਹਿੰਦਾ ਹੈ ਕਿ 14 ਫਰਵਰੀ ਮੰਨ ਕੇ ਚੱਲੀਏ, ਹਾਲਾਂਕਿ ਅਸੀਂ ਦਸੰਬਰ ਤੱਕ ਇਹ ਨਹੀਂ ਜਾਣ ਸਕਦੇ ਹਾਂ। ਜਿਹੜੇ ਐੱਨ.ਆਰ.ਆਈਜ਼ ਇਸ ਨਵੰਬਰ ਜਾਂ ਦਸੰਬਰ 'ਚ ਯਾਤਰਾ ਕਰਨਾ ਚਾਹੁੰਦੇ ਹਨ, ਮੇਰਾ ਉਨ੍ਹਾਂ ਨੂੰ ਨਿਮਰਤਾਪੂਰਵਕ ਸਲਾਹ ਹੈ ਕਿ ਪੰਜਾਬ ਦੇ ਚੋਣਾਂ ਨੇੜੇ ਹੋਣ ਦੇ ਚਲਦੇ ਯਾਤਰਾ 'ਚ ਦੇਰੀ ਹੋ ਸਕਦੀ ਹੈ।
ਮੈਂ ਇੰਡੀਅਨ ਓਵਰਸੀਜ਼ ਕਾਂਗਰਸ, ਡੇਨਮਾਰਕ ਦੇ ਪ੍ਰਧਾਨ ਮਨੂ ਸਰੀਨ ਸਪੁੱਤਰ ਸਤੀਸ਼ ਸਰੀਨ ਨੂੰ 15 ਸਤੰਬਰ, 2011 ਨੂੰ ਡੇਨਮਾਰਕ 'ਚ ਹੋਈਆਂ ਚੋਣਾਂ 'ਚ ਜਿੱਤ ਲਈ ਦਿਲੋਂ ਵਧਾਈ ਦੇਣਾ ਚਾਹਾਂਗਾ। ਮਨੂ ਭਾਰਤੀਆ ਮੂਲ ਦਾ ਹੈ ਅਤੇ 1971 'ਚ ਆਪਣੇ ਪਰਿਵਾਰ ਨਾਲ ਡੇਨਮਾਰਕ 'ਚ ਜਾ ਕੇ ਵੱਸ ਗਿਆ ਸੀ। ਉਸਨੂੰ ਹੁਣ ਹੇਲੇ ਥਰਿੰਗ-ਸਕਮੀਡਤ ਦੀ ਕੈਬਿਨੇਟ 'ਚ ਸਮਾਨਤਾ ਅਤੇ ਚਰਚ ਤੇ ਨੋਰਡਿਕ ਸਹਿਯੋਗ ਦੇ ਮੰਤਰੀ ਵਜੋਂ ਨਿਯੁਕਤ ਕੀਤਾ ਗਿਆ ਹੈ।
ਤੁਹਾਡਾ ਸਮਾਂ ਦੇਣ ਲਈ ਬਹੁਤ ਧੰਨਵਾਦ,
ਜੱਸੀ ਖੰਗੂੜਾ
1500 ਕਰੋੜ ਦਾ ਦੂਸਰਾ ਹੋਟਲ ਬਣਾ ਰਹੇ ਹਨ। ਪਿਓ ਅਤੇ ਪੁੱਤ ਦੋਵੇਂ ਖੁਦ ਨੂੰ ਅਮੀਰ ਅਤੇ ਲੋਕਾਂ ਨੂੰ ਗਰੀਬ ਤੋਂ ਗਰੀਬ ਬਣਾ ਰਹੇ ਹਨ।'
